Lumaktaw sa pangunahing content

Mga Partylists na Asal Amo

Hindi ko alam kung matatawa o maiinis ako sa inaasal ng 15 grupong partylists sa Mababang Kupulungan ng Kongreso ng Filipinas. Ayon sa mga ulat, pinangunahan ng grupong An Waray ang iba pang mga partylist sa isang di-umano'y "protesta" laban sa partidong Bayan Muna.

Ayon sa An Waray, inaakusahan umano sila ng Bayan Muna (BM) na hindi kabilang sa mga grupong marjinalisado. Itinutulak din di-umano ng BM ang diskuwalipikasyon ng ibang partylists.

Kaya ang ginawa ng An Waray at ng 14 na iba pang partylists: Isinara nila ang kanilang tanggapan, itinaboy ang kanilang mga constituents na humihingi ng tulong, at idinuldol sa Bayan Muna ang mga abang mamamayang nais makakuha ng suporta.

Kakutya-kutya ang ganitong asal. Ipinapakita lamang ng An Waray at ng iba pang grupong partylist na kabatak nito ang kanilang tunay na kulay -- sila ay ASAL AMO. Ang pakiramdam siguro ng ganitong mga grupo ay panginoon sila, na karapatan nilang basta itigil ang pagbibigay serbisyo sa mamamayan.

Baka nakakalimutan ng An Waray at ng iba pang grupong partylist na ang kanilang puwesto sa Kongreso ay utang nila sa taumbayan. Iniluklok sila ng mamamayan sa poder upang maglingkod ng walang patid at walang kondisyon.

At bakit ngayo'y isinasara nila ang kanilang pintuan sa kanilang mga constituents? Dahil lang may gusot sila sa Bayan Muna ay may karapatan na silang talikuran ang kanilang mga pinaglilingkuran.

Ang ganitong gawi at pag-iisip ay mistulang Amo o Bosing, kung sa salitang kalye pa. Pakiramdam ng An Waray at ibang partylist na sila ay mga Bosing, na ang mandato nila ay hindi galing sa tao. Tulad din ito ng pag-uugali ng isang Panginoong Maylupa. Kapag sinumpong at nag-alburoto ang Amo, ay tatalikuran na lang ng walang pakundangan ang mga tauhan. Sisigawan pa sila na "Doon kayo sa iba pumunta at humingi ng tulong! Mga SinVerguenza!"

Iyan. Ganyang-ganyan ang inaasal ngayon ng An Waray partylist sa pamamagitan ng kinatawan nito na si Florencio Bam (bum) Noel. Ganyang-ganyan ang kaisipan ng iba pang grupong partylist na nagsipagsara ng kanilang opisina para lamang kastiguhin ang Bayan Muna.

Ang tanong kay congressman Noel, sa An Waray at sa 14 na partido ay ganito: Kung tunay kayong kinatawan ng mahihirap na mamamayan, bakit ninyo nasisikmurang talikuran sila at pagkaitan ng serbisyo?

Kung tunay na ang inyong puso at damdamin ay para sa mamamayan, bakit ninyo parurusahan at pagdudusahin ang taumbayan para lamang maihayag ang inyong protesta. Ang mamamayan ba ang inyong kalaban?

Ang inaaasal ng An Waray at iba pang partylist na nag-aalburoto ay Asal ng mga Panginoon. Ito ay Asal Amo. Asal Bosing:

Hindi nga kayo karapat-dapat na maging kinatawan ng mahihirap.
Mga etiketa:

Mga Komento

Mag-post ng isang Komento

Mga sikat na post sa blog na ito

Mga Kuwentong Bayan ng Bukidnon

Introduksiyon UPDATE: Ang librong Mga Kuwentong Bayan ng Bukidnon ay maaari nang mabili sa lokal na online shop ng JMP Creative Media. Sundan lamang ang link na ito: BUY NOW: MGA KUWENTONG BAYAN NG BUKIDNON.   Ang pagbabasa ng mga katutubong kuwentong bayan ang isa sa pinakamabisang paraan upang maunawaan ang kultura ng isang bansa. Ayon kay William Bascom, isang kilalang Amerikanong kuwentista at antropolohista, ang mga kuwentong bayan ay salamin ng mga katutubong kaugalian, tradisyon, ritwal, at kultura. Nilalaman ng mga katutubong kuwento ang buod ng pagkatao ng isang partikular na grupo sa lipunan. Ang paglalathala ng e-Book na ito ay isang pagtatangka na maibahagi sa buong daigdig ang ilang piling kuwentong bayan ng tribung Bukidnon sa Hilagang Mindanao, sa wikang madaling maintindihan ng kabataang Filipino. Sa gayon, magiging mas nakaaaliw ang kanilang pagbabasa. Marami na ang nalimbag na mga kuwentong bayan ng tribung Bukidnon. Subalit kadalasan, ang mga kuwento ay nakasulat
Mag-post ng isang Komento
Read Complete Post

Forced Haircut in Schools is Corporal Punishment

Forced Haircut in Schools is Corporal Punishment (Why This Policy Is Unjust and Violates Basic Child Rights) Valencia City, BUKIDNON.  The Department of Education (DepEd) has a long-standing policy that governs good grooming. This includes prescribing a so-called proper haircut for male pupils in both private and public schools.  According to Undersecretary Yolanda Quijano, “the prescribed haircut for boys is at least one inch above the ear and three inches above the collar line.” Schools under the supervision of DepEd are required to follow such standard. Unfortunately, this “haircut policy” has no clear implementing guidelines.  As a general practice, school principals and administrators have the authority to define their own sets of rules on how to implement the policy, including the enforcement of disciplinary actions on erring pupils.
Mag-post ng isang Komento
Read Complete Post

Uri ng Mga Adobo sa Filipinas

Adobo ang isa sa mga pinakapaboritong ulam ng mga Filipino. Ayon sa ilang pananaliksik, ang adobo ay mula sa salitang Kastilang "adobar," na ang ibig sabihin sa Ingles ay "to marinade." Subalit bago pa man sakupin ng mga Kastila ang Filipinas, nag-aadobo na ang mga Filipino. Dahil lubhang mainit sa bansa at madaling mapanis o mabulok ang mga di-lutong pagkain, natutunan ng mga katutubo na ibabad sa suka at asin ang kanilang pagkain at pagkatapos ay pakukuluan hanggang maluto. Napakatagal ng shelf-life ng mga pagkaing dumaan sa ganitong paraan ng pagluluto. Ngayon nga ay bantog pa rin ang adobo sa Filipinas at halos bawat rehiyon ay may kani-kaniyang bersiyon nito. Sa kabutihang palad, natikman ko na halos lahat ng iba't-ibang uri ng adobo sa Filipinas at natutunan na rin kung paano ito lutuin. Adobong Manok / Adobong Baboy / Adobong manok at baboy - Bersiyong Tagalog Manok o baboy ang karaniwang pangunahing sangkap ng adobo. Minsa'y pinaghahalo ang dalaw
Mag-post ng isang Komento
Read Complete Post